Ardhi na Maliasili

Idara ya Ardhi ni Mojawapo ya Idara 13 zilizopo katika Halmashauri ya Wilaya ya Mbarali. Idara ina Vitengo 2, Kitengo cha Ardhi na Kitengo cha Maliasili. Maliasili ina sehemu 3, nazo ni Utalii, wanyama Pori na Misitu.

Majukumu ya Idara

• Kusimamia Sheria mbalimbali za Uhifadhi na Usimamizi wa Misitu, Wanyamapori na Utalii. Vilevile kusimamia za wananchi dhidi ya wanyamapori.
• Ukusanyaji wa maduhuri ya Serikali Kuu na Halmashauri pamoja na Maduhuri mbalimbali
• Upimaji wa Ardhi
• Ubunifu wa Michoro ya Mipango Miji
• Kuwezesha kuandaa Matumizi Bora ya ardhi
• Uthamini wa mali zinazohamishika na zisizohamishika kwa matumizi mbalimbali na Umiliishaji wa ardhi

SEKTA YA ARDHI

Mtazamo wa Serikali sambamba na Utekelezaji wa Sheria za Ardhi Namba 4 na Namba 5 za mwaka 1999 ni kuwawezesha wananchi walio vijijini na mijini kutumia rasilimali ardhi katika kujikwamua na kuondokana na umasikini kwa kutumia ardhi waliyonayo. 

Kama ilivyoelezwa hapo awali Wilaya ya Mbarali ina jumla ya vijiji 102 na Miji midogo sita na mamlaka ya mji mdogo. Vijiji vilivyopimwa ni 49, vijiji 22 havijapimwa na vijiji 31 vipo ndani ya miji midogo ya Madibira, Ubaruku, Chimala, Igurusi, Utengule Usangu na Ruiwa pamoja na Mamlaka ya mji mdogo wa Rujewa.

Jumla ya vijiji 29 vina Mipango ya Matumizi bora ya ardhi na Mashamba 3,732 yamepimwa kwa ajili ya urasimishaji na jumla ya hati miliki za kimila 2,309 zimeandaliwa.

Mkakati wa Halmashauri wa kupanga matumizi bora ya ardhi ya Vijiji:-

Kuweka kwenye bajeti yake kila mwaka kwa ajili ya kuandaa mpango wa matumizi wa Kijiji kimoja.

Kuwahamasisha wananchi kuchangia gharama za kuandaa Mipango ya matumizi bora ya ardhi ya Vijiji vyao.

Kuwashirikisha wadau mbalimbali wa maendeleo katika kuchangia gharama za kuwezesha kupanga Mipango ya matumizi bora ya ardhi mfano Hifadhi ya Taifa ya Ruaha kupitia Mpango wa ujirani mwema kwa Vijiji vinavyozunguka hifadhi hiyo (waliwezesha Vijiji vya Miyombweni, Wimba Mahango na Ihahi), Taasisi binafsi ya WWF ambao wanafanya kazi kwenye Bonde la Mto Rufiji kupitia Ofisi ya Maji iliyopo Rujewa (waliwezesha Kijiji cha mpango wa matumizi bora ya ardhi wa Kijiji cha Nyakazombe na mapitio ya mpango wa Kijiji cha Nyakadete)  na WSC (World Conservation Society) kupitia Jumuiya ya Watumia Rasilimali za Wanyamapori (WMA’s) ambao waliwezesha Vijiji vya Nyamakuyu, Nyakadete, Ipwani, Luwango, Mkandami na Mapitio ya Mpango wa Matumizi ya Kijiji cha Kangaga, Manienga, Itipingi na Isunura).