DC SURUMBU ATAKA ELIMU NA HAMASA UTEKELEZAJI BIMA YA AFYA KWA WOTE.

Tarehe ya Kuanza: December 24th, 2025

Mkuu wa  Wilaya ya Mbarali, Mhe Brig. Jen. Maulid Hassan Surumbu  amesema utekelezaji wa Bima ya Afya kwa wote inahitaji ushiriki wa wadau wa sekta zote kwa lengo la kuhakikisha wananchi wote wanajiunga na huduma hii ya Bima ya Afya kwa Wote ambayo itachangiwa kwa gharama ya shilingi ShT. 150,000/= kwa kila kaya, huku akisisitiza kuandaa kanzi data ya watu wenye uwezo na wasio na uwezo wa kuchangia fedha hiyo kwa ajili ya Bima.

Akizungumza kwenye Kikao cha Afya ya Msingi Wilaya ya Mbarali (PHC) kilichoketi  leo Jumatano  Disemba 24, 2025 amewaeleza wajumbe wa kikao hicho waende kuitisha  vikao vya Maendeleo ya Kata ili kutoa elimu na ushauri juu ya mpango huo wa Serikali.

"Mtakaporejea kwenye maeneo yenu, vikao vya Kamati ya Maendeleo ya Kata vitaitishwa, tukifika kule tuchangie vizuri, tutoe ushauri mzuri na baada ya hapo tukienda kukutana na wananchi tuwe na elimu ya kutosha ili mwananchi aweze kutoa Sh. 150,000 tuanzishe Mfuko wetu wa Bima ya Afya kwa watu  Wote", amesema Mhe. DC Surumbu.

Akizungumzia faida atakazopata mchangiaji kwa kujiunga na Bima ya afya, Mhe. Surumbu amesema wananchi wote watapata huduma za matibabu mahali popote nchini lakini pia vituo vya kutolea huduma za afya vitakuwa na uhakika wa upatikanaji wa dawa, vifaa tiba, vifaa na vitendanishi na uwepo wa wataalamu wa kutosha na wenye ujuzi.

Aidha Mhe. Surumbu amesema kuwa kwa sasa huduma zimeanza kuboreshwa katika vituo vyote vya afya, zahanati na Hospitali katika Halmashauri ya Wilaya ya Mbarali huku akiongeza kuwa zitaboreshwa zaidi pindi zoezi la kuchangia Bima hiyo  likianza kutekelezwa .

Kwa upande wa Mwakilisha wa Ofisi ya Bima ya Afya Mkoa wa Mbeya, Ndugu Nicholaus Frank Mwangomo ambaye ni Msimamizi wa Ofisi ya NHIF Mkoa wa Mbeya amesema,  maboresho makubwa yamefanyika kutoka kwenye ile Bima ya awali na kuanza kwa mfumo mpya wa Sheria ya Bima ya Afya kwa Wote ambapo Mwananchi atakuwa na uhuru wa kuchagua wapi akatibiwe iwe hospitali binafsi au ya Serikali