KAMATI YA SIASA WILAYA YA MBARALI YARIDHISHWA NA MWENENDO WA MIRADI YA MAENDELEO.

Tarehe ya Kuanza: January 16th, 2026

Kamati ya siasa Wilaya ya Mbarali ikiongozwa na Katibu wa Chama cha Mapinduzi Wilaya ya Mbarali Ndugu Malanyingi Matukuta aliyemwakilisha Mwenyekiti wa Chama cha Mapinduzi Wilaya ya Mbarali na Mkuu wa Wilaya ya Mbarali Mheshimiwa Brigedia Jenerali Maulid Hassan Surumbu imeridhishwa na mwenendo wa Utekelezaji wa Miradi ya Maendeleo ndani ya Wilaya ya Mbarali .

Hayo yamethibitishwa Leo wakati Kamati hiyo ikihitimisha Ziara yake ya siku Mbili ya kukagua Utekelezaji wa ILANI ya Uchaguzi ya chama cha Mapinduzi .

Kwa siku ya Leo januari 16 Kamati imekagua Mradi wa Ujenzi wa Shule Mpya ya Msingi Madibira, Mradi wa Ujenzi wa Kituo cha Afya Igava na Mradi wa vijana wa ufugaji wa samaki wa kikundi cha Zanusi Mkombwe kilichopo Ubaruku

Akizungumza wakati wa Kuhitimisha Ziara hiyo Katibu Mkuu wa Chama cha Mapinduzi Wilaya ya Mbarali Ndugu Malanyingi Matukuta amemshukuru Rais wa Jamuhuri ya Muungano wa Tanzania Daktari Samia Suluhu Hassan kwa kutenga Fedha kwa ajili ya Miradi ya Maendeleo ndani ya Wilaya ya a Mbarali pia amehimiza Wataalamu kutoka Taasisi zote za serikali na Halmashauri kuhakikisha wanakamilisha Miradi yote kwa wakati ili kuwapunguzia adha Wananchi 

" Sisi kama Kamati ya siasa Wilaya ya Mbarali tumeridhishwa na Jinsi Wataalamu mnavyosimamia Miradi kwa ukaribu lakini tunaelekeza nguvu zaidi iongezeke ili Miradi ikamilike kwa wakati . Ili Wananchi waondokane na adha ya kukosa huduma za kijamii karibu na maeneo yao na niwahakikishie serikali ya awamu ya sita chini ya Daktari Samia Suluhu Hassan itaendelea kutekeleza yote iliyoahidi kwenye ILANI ya Uchaguzi"

Katika Ziara hiyo Kamati ya siasa Wilaya ya Mbarali iliongozana na Makamu mwenyekiti wa Halmashauri Mheshimiwa Chuki Jeremia Mbwanjine aliyemwakilisha Mwenyekiti wa Halmashauri ya Wilaya ya Mbarali na Kaimu Mkurugenzi Mtendaji wa Halmashauri ya Wilaya ya Mbarali Bi Glory Komba pamoja na wataalam ngazi ya Halmashauri na Taasisi za serikali kama RUWAS

A na TARURA.