MKUU WA WILAYA YA MBARALI AHIMIZA WANAFUNZI KURIPOTI SHULE.

Tarehe ya Kuanza: January 14th, 2026

Mkuu wa Wilaya ya Mbarali Mheshimiwa Brigedia Jenerali Maulid Hassan Surumbu amewataka wazazi wote kuhakikisha watoto wao waliofikisha umri wa kujiunga na darasa la awali na darasa la Kwanza kuhakikisha wanawapeleka watoto hao Shule ili kujiunga na masomo yaliyokwisha Anza toka tarehe 13 januari mwaka huu pia amewataka wanafunzi wote waliopangiwa kujiunga na kidato cha Kwanza mwaka huu kuhakikisha wanajiunga na Shule waliopangiwa ndani ya siku 14 ili kuendelea na masomo yaliyokwisha Anza.

Hayo ameyazungumza wakati wa Ziara aliyo fanya Leo januari 14 ya kukagua Miradi Mbalimbali ya Maendeleo ndani ya Wilaya ya Mbarali.

Akizungumza wakati wa Ziara hiyo Mheshimiwa Surumbu amesema tayari Shule zimefunguliwa Madarasa yapo na hakuna upungufu wa Madawati Wala viti hivyo hakuna sababu za kuendelea kuwabakiza wanafunzi nyumbani

"Kwa wale wenye watoto ambao hawajaripoti Shule mpaka sasa nitoe Rai kwa Viongozi wa Vitongoji,Vijiji , Tarafa pamoja hata Wilaya kuhakikisha kwamba ndani ya wiki mbili kuhakikisha watoto wenye umri unaoruhusu kuanza Shule waanze mara Moja na waliopangiwa kujiunga na kidato cha Kwanza waripoti Madarasa yapo tayari, Madawati yapo hivyo wafike kuanza masomo"

Sanjari na hilo Mheshimiwa Surumbu amekagua Ujenzi wa Madarasa mawili Shule ya Msingi Rujewa,  Shule ya sekondari Rujewa,Shule Mpya Madibira na Ujenzi wa Madaraja mawili kwenye mto Guha Kata ya Mawindi

Mkuu huyo wa Wilaya aliongozana na Afisa Elimu sekondari Wilaya, Afisa Elimu Msingi Wilaya, Mhandisi wa Wilaya  na Meneja TARURA Wilaya ya Mbarali.