Naibu Waziri Aitaka Halmashauri Kujenga uzio hospitali Mpya ya Wilaya

Tarehe ya Kuanza: July 13th, 2019

Naibu Waziri Ofisi ya Rais, Menejimenti ya Utumishi wa Umma na Utawala Bora Mhe. Dkt Mary Mwanjelwa ameitaka Halmashauri ya Wilaya ya Mbarali kutengeneza uzio kwa ajili ya usalama wa Hospitali na Wagonjwa watakaokuwa wanatibiwa sehemu inapojengwa Hospitali Mpya ya Wilaya ya Mbarali.

Mhe.Mwanjelwa ameyasema hayo siku ya tarehe 12/07/2019 alipofanya ziara katika Wilaya ya Mbarali kama Mbunge wa Viti Maalumu wa Mkoa wa Mbeya kwa ajili ya kufuatilia utekelezaji wa ilani ya Chama Cha Mapinduzi (CCM).

“Hili ni eneo la Hospitali, ili kuweza kulinda usalama wa mgonjwa, ni vizuri tukaweka uzio, sio lazima uzio uwe wa matofari, hata uzio wa senyenge, Halmashauri kupitia kwenye mapato yenu ya ndani na wadau mbalimbali lazima muhakikishe mnapanga mipango kuhakikisha mnaweka uzio ili mahali hapa pawe salama.”

Naibu Waziri ameridhishwa na kasi Ujenzi wa Hospital unaoendelea ya kwa kutumia mfumo wa Fundi Jamii (Force Accont) ambapo jumla kiasi cha shilingi Bilioni 1.5 zimemtolewa Serikali Kuu kwa ajili ya ujenzi wa Hospitali hiyo.

Ujenzi wa Hospitali umefikia asilimia 85 na unatarajiwa kukamilika ifikapo tarehe 30/07/2019 ili wananchi waanze kupata huduma.

Hadi kufikia tarehe 12/07/2019 vifaa vyote kwa ajili ya kukamilisha Ujenzi wa Hospitali Mpya ya Wilaya ya Mbarali vilikuwa vimeshanunuliwa.

Katika ziara yake Mhe. Mwanjelwa amekagua Ujenzi wa Hospitali mpya ya Wilaya, Vyumba vya madarasa na ujenzi wa Hostelel shule ya Sekondari Igava, pamoja na kuweka jiwe la Msingi Ujenzi wa Kituo cha Afya Igava na ameridhishwa na hatua zilizofikiwa