Rudisheni Mikopo kwa wakati ili na wengine wanufaike-Twalib

Tarehe ya Kuanza: January 19th, 2021

Hayo yamesemwa na Mwenyekeiti wa Halmashauri ya Wilaya ya Mbarali Mhe.Twalib Tamimu Lubandamo alipokuwa akikabidhi Trekta za Mikono (Power Tiller), Pikipiki pamoja na Pikipiki aina ya Guta ambavyo vimetokana na asilimia asilimia 10% ya mapato ya ndani ya Halmashauri zinazotolewa kwa Vikundi vya Wanawake, Vijana na watu wenye Ulemavu kwa kipindi cha robo ya pili 2020/2021 siku ya tarehe 19/01/2021.

Mhe. Twalib alisema kwambwa historia ya ulejeshaji wa mikopo kwa Mbarali upo chini sana, Halmashauri imeandaa mkakati wa kuvifuatilia vikundi vyote vilivyonufaika na mikopo hio ili vikuni vingine viweze kunufaika.

“Vikundi vilikuwa ni vingi vilivyoomba mikopo, tumeanza na ninyi kutokana na pesa tulizokuwa nazo. Tumewapa mikopo hii mkiwa mnafurahi, tunaomba mmalize mkiwa nmafurahi ili msije baadae mkanuna”

“Hii mikopo mnapata kama bure, haina riba hata moja, na kwa sababu nyie mmeshikliia pesa za vikundi vingine tunawaomba ule muda ambao tumekubaliana muweze kurejeshe hizo pesa ili na vikundi vingine viweze kunufaika kama mlivyonufaika ninyi”. Alisema Mhe. Twalib.

Kaimu Mkurugenzi wa Halmashauri ya Wilaya ya Mbarali Ndg. Daniel Kamwela alisema kwamba, kwa kipindi cha mwaka wa fedha 2020-2021 kiasi cha million 212 ambazo ni asilimia 10% ya mapato ya ndani kwa kipindi cha Julai hadi Desemaba zimeweza kutolewa kwa vikundi vya wanawawake, vijana na watu wenye ulemavu kwa asilimia 100%

Ndg.Kamwela aliongeza kuwa, fedha hizo zimegawanywa kwa vikundi 5 vya wanawake vyenye wanufaika 91, vikundi 10 vya vijana  vyenye wanufaika 132 pamoja na vikundi 4 vya watu wenye ulemavu vyenye wanufaika 24.

Naye Afisa vijana wa Halmashauri ya Wilaya ya Mbarali Ndg. Christus Mwageni aliongeza kuwa kwa kipindi cha robo ya pili ya mwaka 2020/2021 Halmashauri imefanikiwa kutoa kiasi cha shilling milioni 99,500,000 ambapo pesa hizo zote zimetumika kununulia Trekta za mikono 2 ambazo zimetolewa kwa vikundi vya wanawake, Trekta 5 za mkono, Pikipiki 5 pamoja na Guta moja ambavyo vyote vimetolewa kwa vikundi vya  Vijana 5.

Ndg. Mwageni aliongeza kuwa,  zoezi la utoaji wa vifaa kazi  umekuwa ni bora zaidi kwani unaleta ufanisi kwenye vikundi, vilevile eneo la Mbarali ni eneo la kilimo, vifaa hivyo vitawawezeza kufanya shughuli zao badala ya kushinda vijiweni na wameamua kutoa vifaa sababu baadhi ya vikundi vikipewa pesa vinakwenda kugawana badala ya kutimiza malengo waliyojiwekea.

Wakiongea kwa niaba ya wenzao bwana Seif Mohamendi na Bi. Asia Shaibu wameishukuru Serikali kwa kuwawezesha vitendea kazi hivyo na wameahidi kuvitumia vizuri vifaa walivyokabidhia ili waweze kurejesha fedha walizokopa kwa muda uliopangwa ili vikundi vingine viweze kunufaika

MWISHO